CHENTU CANTOS
Paraulas et sonos de Gianluca Cotza
Chentu cantos de attesu 'ennidos
Sa oghe mia cumpanza de sos bisos tuos.
Cantos de amore e disamistade
Cantos de gherra,e cantos de paghe.
Cantos 'e pitzinnos ispantados e famidos,
De disamparados e malasortados...
Contos de s'isula magica e antiga,
Peada de Deus,in "su mare 'e sos mares".
Sa 'oghe pius forte est sa oghe 'e unu coro
Chi chircat una 'oghe in sa notte muda.
Sa lughe pius giara est sa lughe 'e sos ojos
Chi agattana ojos bramidos 'e lughe.
Faltana duas dies,e s'istiu s'at a dispidare...
E s'ierru in sa janna isetendhe,
In su duamiza s'at a acumpanzare...
Oh, Cabidanni de lughe e maghia,
Pro sa vida,t'ap a abbessedare!
Oh, Cabidanni de arantzos infloridos...
Custu est su bisu chi deo cherzo cantare!
Chentu cantos como an'abbaidare a su venidore....
Chentu cantos como an'a cantare....
Pro chent'annos de amore.
BAE A SA TRADUTZIONE IN LIMBA ITALIANA
