CUINTUMORU
Parole e musica di Gianluca Cotza
Grammatica e ortografia del
"Ditzionariu de sa Limba e cultura sarda",
Mario Puddu,Condaghes 2000
S'istòria chi eus connotu narat a scrammentai
Ca s'acacigadori, tanti, no càmbiat mai:
Funti totus ugualis, is chi s'ant'istrecau,
S'anti segaus is cambas po crasi che in passau.
Est'ora e dh'acabbai, totus impari, in coru:
Labai, brafantis malus, ca benit Cuintumoru !
Sa terra mama nostra totus dh'ant'isfrutada,
Dh'anti suciau su meli e fata marigosa,
De Cartàgini a Roma,totus sa propiu cosa:
Furendisì su pani s'anti lassau su feli !
Est'ora e dh'acabbai totus impari, in coru:
Labai, brafantis malus, ca benit Cuintumoru !
Tenit tastu 'e felenu su dannu chi s'at fatu
Su Regnu "sardu"- allenu, domìnius de ònnia scera
Marcaus a ditadura o a "demogratzia",
Anti fatu a galera su celu 'e terra mia !
S'anti abbruxau su logu, e spratziu su "tesoru"
Gei si dh'ant'a torrai, candu benit Cuintumoru !
S'istòria, in dì de oi, est dolorosa meda
C'a nosu, po papai, tocat andai in galera…
Is bècius funt'istracus ca su passau fiat duru;
Po sa gioventud'e oi niedhu meda est, su futuru !
No si torreis a nài po chini depeus votai:
Preguntaus isceti pani, sceti de traballai !
Sa "baronìa" de oi no est meda diferenti:
Fuedhant'e dinai, po imbodhicai sa genti…
Su populu, abbramiu, po unu sodhu est cuntentu:
De aici funti prenas is ribbas de ciumentu !
Atru che afferra-afferra, est, su chi funti fendi !
Spaciara est, sa festa…Cuintumoru est arribbendi !
Marraus su disisperu, chi est semini, est frutu
Ma s'ortu 'e s'arrenegu de sànguini est brutu:
Mancus si connosceus, ghetaus a ponni fogu
A ndi furai sa genti, maladixendi custu logu !
Est'ora 'e dh'acabbai totus impari, in coru:
Est ora di èssi genti, e fai a Cuintumoru !
Candu sa genti meda est unia coment'e fradis
Cun ganas de lotai, po sa pròpia dignidadi…
S'ispera est cosa fata, si prènidi su coru,
Sardigna in libbertadi: est custu, Cuintumoru !
